ОЛОН НИЙТИЙН ОРОЛЦООНД ТҮШИГЛЭСЭН ХАЛАМЖИЙН ҮЙЛЧИЛГЭЭГ ЗОХИОН БАЙГУУЛАХ МАГАДЛАН ИТГЭМЖЛЭЛ ОЛГОХ:

Нэг.Нийгмийн халамжийн тухай хуулийн 18.9, Ахмад настны тухай хуулийн 7.3, Хөдөлмөр, нийгмийн хамгааллын сайдын 2019 оны 02 сарын 14-ний өдрийн А/65 дугаар тушаалд заасны дагуу Олон нийтийн оролцоонд түшиглэсэн халамжийн үйлчилгээ, ахмад настанд үйлчилгээ үзүүлэх иргэн, аж ахуйн нэгж, төрийн бус байгууллагын баримт бичиг, үйлчилгээ үзүүлэх байр, иргэдэд үзүүлэх үйлчилгээ нь мэргэжлийн болон чанарын шалгуур хангаж байгаа эсэхийг үнэлэхэд оршино.

Магадлан итгэмжлэх үйл ажиллагааг нийгмийн халамжийн асуудал эрхэлсэн төрийн захиргааны байгууллагын дэргэдэх магадлан итгэмжлэх Орон тооны бус зөвлөл хэрэгжүүлэх ба уг зөвлөлийн шийдвэрийг үндэслэн нийгмийн халамжийн асуудал эрхэлсэн төрийн захиргааны байгууллагын даргын шийдвэрээр магадлан итгэмжлэлийг олгоно.

Магадлан итгэмжлэх үйл ажиллагаа нь сайн дурын үндсэн дээр явагдаж, нээлттэй, ил тод, бусдын нөлөөнд үл автах, шударга байх зарчимд тулгуурлана.

Хоёр. Магадлан итгэмжлэл авах хүсэлт гаргаж буй байгууллага, иргэн нь дараах шаардлагыг хангасан байна.

2.1. Нийгмийн халамжийн үйлчилгээний чиглэлээр нэг ба түүнээс дээш жил тогтвортой үйл ажиллагаа явуулсан байх;

2.2. Нийгмийн халамжийн тухай хуулийн 18 дугаар зүйлийн 18.1.1-18.1.6, 18.1.8, 18.1.10 -т заасан үйлчилгээ, Ахмад настны тухай хуулийн 7 дугаар зүйлийн 7.1.2- 7.1.4, 7.1.9-д заасан үйлчилгээний төрлүүдээс үзүүлдэг байх;

2.3. Сэргээн засах үйлчилгээ үзүүлэхээр магадлан итгэмжлэл авах байгууллага нь эрх бүхий байгууллагаас уламжлалт болон сэргээн засах эмчилгээний эрүүл мэндийн чиглэлээр мэргэжлийн үйл ажиллагаа эрхлэх тусгай зөвшөөрөл авсан байх;

2.4. Олон нийтийн оролцоонд түшиглэсэн халамжийн үйлчилгээ үзүүлэх стандартын шаардлага хангасан, зориулалтын байртай байх;

2.5. Тусгай зөвшөөрөл, магадлан итгэмжлэлд заагдсан үйлчилгээг үзүүлэх мэргэжлийн боловсон хүчинтэй байх;

2.6. Татвар, нийгмийн даатгалын байгууллагад өргүй байх;

2.7. Төрийн бус байгууллагын хувьд магадлан итгэмжлэлд орох асуудлыг хамт олноороо хүлээн зөвшөөрсөн тодорхойлолттой байх;

2.8. Жилийн турш тасралтгүй үйл ажиллагаа явуулдаг байх;

2.9. Бүрдүүлсэн баримт бичгүүд үнэн, бодитой байх;

2.10. Олон нийтийн оролцоонд түшиглэсэн халамжийн үйлчилгээний чанарт тавих шалгуур үзүүлэлт, журам, стандартыг хангасан байх;

2.11. Тусгай зөвшөөрлийн гэрчилгээнд заагдсан ажлын байрандаа сүүлийн нэг жилийн дотор үйл ажиллагаа явуулсан байх;

2.12. Сүүлийн 2 жилийн хугацаанд гэрээний үүргээ ноцтой зөрчсөн, биелүүлээгүй, эсхүл мэргэжлийн үйл ажиллагаанд алдаа гаргасныг шүүх, эрх бүхий байгууллага тогтоосон бол оролцох эрхгүй.

2.13. Магадлан итгэмжлүүлэх хүсэлт гаргаж буй иргэн нь Нийгмийн халамжийн тухай хуулийн 18 дугаар зүйлийн 18.1.6, Ахмад настны тухай хуулийн 7 дугаар зүйлийн 7.1.3 дахь хэсэгт заасан үйлчилгээг үзүүлэх бөгөөд дараах шаардлагыг хангасан байна.

2.13.1. Нийгмийн халамжийн тухай хуулийн 26.3-т заасны дагуу бүртгүүлж, гэрчилгээ авсан байх;

2.13.2. Эмч, сувилагч мэргэжилтэй болон тусгайлан бэлтгэсэн сайн дурын ажилтан байх;

2.13.3. Тухайн чиглэлийн мэргэжлийн диплом, үйлчилгээ үзүүлэх эрхийн гэрчилгээтэй байх;

2.13.4. Мэргэжлээрээ 3-аас доошгүй жил ажилласан туршлагатай байх;

2.13.5. Эрүүл мэндийн үзлэгт хамрагдсан халдварт өвчин, эмгэггүй, муу зуршилгүй байх.

2.14. Бүрдүүлсэн баримт бичгүүд үнэн, бодитой байх;

2.15. Сүүлийн 2 жилийн хугацаанд гэрээний үүргээ ноцтой зөрчсөн, биелүүлээгүй, эсхүл мэргэжлийн үйл ажиллагаанд алдаа гаргасныг шүүх, эрх бүхий байгууллага тогтоосон бол оролцох эрхгүй.

Гурав. Магадлан итгэмжлэл авах хүсэлт гаргах байгууллага, иргэн нь дор дурдсан материалыг бүрдүүлнэ.

3.1 Байгууллагын танилцуулгад дараах агуулгыг бүрэн багтаасан байна.

Үүнд:

3.1.1. Байгууллагын бүтэц, үйл ажиллагааны талаарх товч танилцуулга, үйлчилгээ үзүүлэх байрны фото зураг;
3.1.2. Олон нийтийн оролцоонд түшиглэсэн халамжийн үйлчилгээ болон ахмад настанд үзүүлэх үйлчилгээний аль төрлийн үйлчилгээг үзүүлэх тухай;
3.1.3. Олон нийтийн оролцоонд түшиглэсэн халамжийн үйлчилгээний хувьд аль зорилтот бүлгийн иргэдэд үйлчилгээг үзүүлэх тухай;
3.1.4. Үйлчилгээг аль аймаг, дүүрэгт үзүүлэх тухай;
3.1.5. Үйлчилгээ авах иргэдийн хэрэгцээний судалгаа;
3.1.6. Үйлчилгээнд шаардагдах багаж, байр, орон сууцны үзүүлэлт, техник хэрэгсэл, тоног төхөөрөмжүүдийн тодорхойлолт, жагсаалтыг гарган, фото зургийн хамт хавсарган ирүүлэх;

3.2. Үйлчилгээ үзүүлэх байгууллагын санал болгож буй удирдах болон мэргэжлийн боловсон хүчний боловсрол, ур чадвар, туршлагын талаарх мэдээллийг нотлох баримт бичгийн хамтаар ирүүлэх;

3.3. Магадлан итгэмжлүүлэх хүсэлт бүхий албан бичиг;
3.4. Байгууллагын болон тусгай зөвшөөрлийн гэрчилгээний нотариатаа гэрчлүүлсэн хуулбар;
3.5. Магадлан итгэмжлэлийн батламжийн хуулбар /анх удаа орох байгууллагад хамаарахгүй/;
3.6. Магадлан итгэмжлэлийн шалгуур үзүүлэлтээр хийсэн өөрийн үнэлгээний тайлан;
3.7. Сүүлийн 2 жилийн хугацаанд Олон нийтийн оролцоонд түшиглэсэн халамжийн үйлчилгээ болон ахмад настанд үзүүлэх үйлчилгээний ижил төстэй үйлчилгээний чиглэлээр ажиллаж байсан тохиолдолд хэрэгжүүлсэн үйл ажиллагааны талаарх тайлан мэдээлэл; /давтан магадлан итгэмжлэл авах байгууллага бол магадлан итгэмжлэгдсэн хугацааны, харин анх удаа магадлан итгэмжлэл авах байгууллага бол сүүлийн 1 жилийн үзүүлэлт/
3.8. Татвар, нийгмийн даатгал, шүүхийн шийдвэр гүйцэтгэх байгууллагын тодорхойлолт;
3.9. Санхүүгийн баталгаажсан тайлан;
3.11. Харилцагч банкны тодорхойлт (Улсын бүртгэлийн гэрчилгээн дээр бүртгэгдсэн болон бүртгэгдээгүй харилцагч банк бүрээс хугацаа хэтэрсэн зээлийн өртэй эсэх тодорхойлт авч ирүүлэх);
3.12. Магадлан итгэмжлэлд оролцогч иргэн, аж ахуйн нэгж, төрийн бус байгууллага нь баримт бичгийг бэлтгэн цаасан хэлбэрээр ирүүлнэ.
3.13. Магадлан итгэмжлэлийн баримт бичгийн бүрдүүлэлтэд заасан материалуудаас аль нэгийг ирүүлээгүй тохиолдолд тухайн иргэн, аж ахуйн нэгж, төрийн бус байгууллагын материалаас татгалзах үндэслэл болно;

3.14. Магадлан итгэмжлүүлэхээр ирүүлсэн баримт бичгийг буцаан олгохгүй.

3.15. Магадлан итгэмжлүүлэх хүсэлт гаргах иргэн нь дор дурдсан материалыг бүрдүүлнэ.
3.15.1.Иргэний үнэмлэхний хуулбар;
3.15.2. Магадлан итгэмжлүүлэх хүсэлт;
3.15.3. Мэргэжлийн дипломын нотариатаар гэрчлүүлсэн хуулбар /гэрчилгээний хуулбар/;
3.15.4.Оршин суугаа газрын тодорхойлолт;
3.15.5.Эрүүл мэндийн үзлэгийн хуудас;
3.15.6. Магадлан итгэмжлэгдэх үйлчилгээний төлбөр төлсөн баримт;

Дөрөв. Магадлан итгэмжлэлийн хугацааг сунгуулах байгууллага, иргэн нь дор дурдсан материалыг бүрдүүлнэ.

4.1. Хугацаа сунгуулахыг хvссэн өргөдөл;

4.2. Иргэн, аж ахуйн нэгж, төрийн бус байгууллагын гэрчилгээний нотариатаар гэрчлүүлсэн хуулбар;

4.3.Батламжийн хуулбар;

4.4. Аймаг, дүүргийн нийгмийн халамжийн байгууллага болон бусад мэргэжлийн байгууллагаас хийсэн хяналт, шинжилгээ, үнэлгээний дүн, дүгнэлт;

4.5. Иргэн, аж ахуйн нэгж, төрийн бус байгууллагын үйчилгээний чанар, үр дүнгийн талаар үйлчлүүлэгч, олон нийтийн санал, хүсэлтийн дүн, дүгнэлт;

4.6. Магадлан итгэмжлэгдсэн хугацаанд хийсэн ажлын тайлан;

4.7. Сунгалт бүхий тусгай зөвшөөрлийн хуулбар /тусгай зөвшөөрөл шаардлагатай үйлчилгээн дээр/;

Тав. Материал ирүүлэх:

Магадлан итгэмжлэх хүсэлтэй байгууллага нь материалыг ирүүлэхдээ 2 хувь хийх ба хувиудыг бэлтгэн хавтаслаж, түүнд “ЭХ ХУВЬ”, “ХУУЛБАР ХУВЬ” гэсэн тодорхой бичиглэл хийнэ. Эх хувь болон хуулбар хувиуд хоорондоо зөрчилдсөн тохиолдолд эх хувийг баримтална.

Баримт бичгийг шуудангаар, эсхүл өөрийн бие төлөөлөгчөөр ирүүлэх бөгөөд хувиудыг тус тусад нь “ЭХ ХУВЬ”, “ХУУЛБАР ХУВЬ” гэсэн бичиглэл бүхий дугтуйнд хийж, тэдгээрийг дахин давхар нэг дугтуйнд хийж ирүүлнэ.

Шаардлагатай тохиолдолд үйлчилгээ үзүүлэх байр, орчны нөхцөл байдал, ажлын байртай газар дээр нь очиж танилцах зардлыг оролцогч байгууллага өөрөө хариуцна. Доторх ба гаднах дугтуйнууд дараах шаардлагыг хангасан байна.

Үүнд:

(a) Магадлан итгэмжлэх хүсэлт гаргасан байгууллагын хаяг:

Албан ёсны нэр, хаягтай байх; (Байгууллагын нэрийг товчилж бичихгүй, аймаг, дүүргийн нэр, байгууллагын тэргүүн, холбоо барих утас)

(б) Баримт бичиг хүлээн авагч: “ХӨДӨЛМӨР, ХАЛАМЖИЙН ҮЙЛЧИЛГЭЭНИЙ ЕРӨНХИЙ ГАЗАР”, “НИЙГМИЙН ХАЛАМЖИЙН БОДЛОГЫН ХЭРЭГЖИЛТИЙН ГАЗАР”-т гэж хаяглана.

ОЛОН НИЙТИЙН ОРОЛЦООНД ТҮШИГЛЭСЭН ХАЛАМЖИЙН ҮЙЛЧИЛГЭЭНД ДАРААХ ӨРХ, ИРГЭН ХАМРАГДАНА:

Ахмад настан

Хөгжлийн бэрхшээлтэй иргэн
Өрх толгойлсон, эцэг/эх
Хүнд нөхцөлд байгаа хүүхэд
Хүчирхийлэлд өртсөн иргэн
Хорих ангиас суллагдсан иргэн
Согтуурах мансуурах донтох өвчтэй иргэн
Орон гэргүй тэнэмэл амьдралтай өрх, иргэн
Шилжин суурьшсан НХТХуулийн 3.1.2-т заасан иргэн
Хөгжлийн бэрхшээлтэй иргэн, хүүхдийн асран хамгаалагч
Нийгмийн халамжийн дэмжлэг, туслалцаа зайлшгүй шаардлагатай өрхийн гишүүн-иргэн, иргэд тус тус хамрагдана.

ОЛОН НИЙТИЙН ОРОЛЦООНД ТҮШИГЛЭСЭН ХАЛАМЖИЙН ҮЙЛЧИЛГЭЭНД ХАМРАГДАХ ӨРХ, ИРГЭН ДАРААХ БИЧИГ БАРИМТЫГ БҮРДҮҮЛЭНЭ:

Бүрдүүлэх баримт бичиг:

Иргэний үнэмлэхний хуулбар
Багийн Засаг дарга, нийгмийн ажилтны тодорхойлолт
Бүлгийн төсөлд хамрагдахыг хүссэн өрх, бүлгийн гишүүдийн өргөдөл

Хөгжлийн бэрхшээлтэй иргэний хувьд:

Хөгжлийн бэрхшээлтэйг тодорхойлох баримт бичгийн хуулбар /Эмнэлэг хөдөлмөрийн магадлах комиссын шийдвэр болон холбогдох бусад баримт бичгийн хуулбар байх бөгөөд эдгээр нь хүчинтэй хугацаа нь дуусаагүй байх/

Өрх толгойлсон, эцэг/эх-ийн хувьд:

Тухайн иргэний өрх толгойлсон тухай оршин суугаа газрын багийн Засаг даргын тодорхойлолт.

Хөгжлийн бэрхшээлтэй хүүхэдтэй өрх:

16 насанд хүрээгүй хөгжлийн бэрхшээлтэй хүүхдийг тодорхойлсон аймаг, сумын хөгжлийн бэрхшээлтэй хүүхдийн Эрүүл мэнд, боловсрол, нийгмийн хамгааллын комиссын шийдвэрийн хуулбар.

Хүчирхийлэлд өртсөн иргэний хувьд:

Хүчирхийллийн улмаас хамгаалалт шаардлагатай болсон бол энэ тухай цагдаагийн байгууллагын тодорхойлолт, эсхүл мэргэжлийн нийгмийн ажилтны нөхцөл байдлын үнэлгээ, тодорхойлолт

Хорих ангиас суллагдсан иргэн хамрагдах бол:

Иргэний тухайд ял шийтгэл эдэлж байгаад суллагдсан тухай шүүхийн шийдвэр гүйцэтгэх газрын тодорхойлолт.

Согтуурах, мансуурах донтох өвчтэй иргэний тухайд:

Холбогдох нарийн мэргэжлийн эмчийн буюу эмнэлгийн байгууллагын дүгнэлт

Бусад зорилтот бүлгийн иргэд:

Гэр оронгүй тэнэмэл амьдралтай өрх, иргэнд тухайн иргэний гэр оронгүй тэнэмэл амьдралтайг судлан тогтоосон мэргэжлийн нийгмийн ажилтны тодорхойлолт
Нийгмийн халамжийн дэмжлэг, туслалцаа зайлшгүй шаардлагатай иргэн шилжин ирсэн тохиолдолд тухайн иргэний шилжин ирсэн тухай багийн Засаг даргын тодорхойлолт.

ОЛОН НИЙТИЙН ОРОЛЦООНД ТҮШИГЛЭСЭН ХАЛАМЖИЙН ҮЙЛЧИЛГЭЭНИЙ БҮЛГИЙН ТӨСӨЛ:

Зорилго: Нийгмийн халамжийн тухай хуулийн 18 дугаар зүйлийн 1.9-д заасны дагуу Нийгмийн халамжийн дэмжлэг туслалцаа зайлшгүй шаардлагатай зорилтот бүлгийн өрх, өрхийн гишүүн-иргэнийг нийгэмшүүлэх, хамт олны бүлэг бүрдүүлэх, орлогын эх үүсвэртэй болгох, төсөлд хамруулж амьдрах ухаанд сургахад чиглэгдэнэ.

Төсөл хэрэгжүүлэх зарчим:

1.Зорилтот бүлгийн иргэн сайн дурын үндсэн дээр төслийн үйл ажиллагаанд хамрагдана. төслийн үйл ажиллагаа адил тэгш нээлттэй ил тод байна.
2.Олон нийтийн оролцоонд тулгуурлана.
3.Бүлгийн төслийг хүний нөөц, зах зээлийн болон эдийн засгийн тооцоо судалгаа, төлөвлөгөөтэй боловсруулсан байна.
4.Төслийн талаарх мэдээлэлд дараах зүйлийг тусгана:
1. а.Төслийн товч агуулга
2. б.Төсөл хэрэгжүүлэгч иргэний нэр
3. в.Үйлдвэрлэл, үйлчилгээ эрхлэх хаяг байршил, иргэний албан ёсны хаяг
4. г.Нийт санхүүжилтийн хэмжээ, түүнээс өөрийн оруулах хөрөнгийн хэмжээ
5. д.Үйлчилгээ үйлдвэрлэл болон худалдах бүтээгдэхүүний нэр төрөл

Төсөл хэрэгжүүлэгчид тавигдах шаардлага:

Бүлгийн төсөл хэрэгжүүлэгч өөрөө бие даан эсхүл гэр бүлийн гишүүд сайн дурын үндсэн дээр нэгдэн бүлэг болж өрхийн үйлдвэрлэл үйлчилгээ эрхэлдэг байна.
Нэг өрхийн гишүүд тус тусдаа бүлгийн төсөлд хамрагдаж санхүүжилт авахыг хориглоно.
Бүлгийн төсөлд хамрагдан санхүүжилт авсан иргэн 3 жилийн дотор дахин хамрагдахгүй.
Төсөл хэрэгжүүлэх өрх бүлэг нь сайн дурын үндсэн дээр нэгдсэн зорилтот бүлгийн 2 өрхийн 2 ба түүнээс дээш иргэний бүрэлдэхүүнтэй байх бөгөөд бүлгийн төсөлд хамрагдах өргөдөлд бүлгийн гишүүд гарын үсэг зурсан байна.
Бүлгийн төслийн сонгон шалгаруулалтанд оролцож буй иргэн нь төслийн баримт бичгийн бүрдлийг цаасаар болон мөн “PDF” файл хэлбэрээр аймгийн Хөдөлмөр халамжийн үйлчилгээний газарт ирүүлнэ.

АМЬДРАЛЫН ИТГЭЛ ҮНЭМШИЛ, БИЕ ДААН АМЬДРАХ ЧАДВАР, ХӨДӨЛМӨРИЙН ДАДАЛ ОЛГОХ, АВЪЯАСЫГ НЬ ДЭМЖИХ ЗОРИЛГООР СУРГАЛТ ЗОХИОН БАЙГУУЛАХ:

1.Сургалтын арга хэмжээг магадлан итгэмжлэгдсэн төрийн бус байгууллага аж ахуй нэгж зохион байгуулах бөгөөд сургалтын хөтөлбөр төлөвлөгөөг аймгийн хөдөлмөр халамжийн үйлчилгээний газраас баталсан байна.

2.Сургалт нь 1-5 хоног үргэлжлэнэ. Өдөрт 6 хүртэл цагийн сургалтыгн зохион байгуулах боломжтой.

ЗӨВЛӨГӨӨ ӨГӨХ:

Үйлчилгээ үзүүлж буй байгууллага нь тухайн үйлчилгээг үзүүлэх заавар, дотоод журамтай байна.

Нэг удаагийн зөвлөгөө өгөх үйлчилгээ нь:

12-оос дээш насны хүүхэд болон насанд хүрсэн хүнд 40 минут хүртэл,

5-7 насны хүүхдэд 20 минут,

8-12 насны хүүхдэд 30 минут үргэлжилнэ.

Зөвлөгөө өгөх үйлчилгээнд хамрагдаж байгаа иргэний хэрэгцээ, шаардлагаас хамаарч 1-3 удаа хамрагдана.

СЭРГЭЭН ЗАСАХ ҮЙЛЧИЛГЭЭ:

Сэргээн засах үйлчилгээ үзүүлэх төрийн бус байгууллага, аж ахуйн нэгж нь эрүүл мэндийн үйлчилгээ үзүүлэх тусгай зөвшөөрөлтэй байна.

Сэргээн засах үйлчилгээг иргэнд ажлын 10 хоног хүртэлх хугацаанд үзүүлэнэ.

Үйлчилгээ үзүүлж буй байгууллага нь өөрийн үйл ажиллагааны онцлог, үйлчилгээ үзүүлэх арга барил ур чадвар, тоног төхөөрөмжийн хүчин чадлаас хамаарч үйлчилгээний төрлүүдээс сонгож үйлчилгээ үзүүлэнэ.

ТҮР БАЙРЛУУЛАН АСРАМЖЛАХ:

Түр байрлуулан асрамжлах үйлчилгээнд нэг иргэнийг 1-90 хүртэл хоног хамруулна. Хууль хяналтын байгууллагуудтай хамтран ажиллаж аль болох богино хугацаанд үйлчлүүлэгчийг гэрт нь хүргэхэд анхаарч ажиллана.

ӨДРИЙН ҮЙЛЧИЛГЭЭ:

Өдрийн үйлчилгээг иргэнд ажлын 10 хүртэлх хоногийн хугацаанд үзүүлэнэ.

№	Үйлчилгээний нэр
1	Өдрийн цай
2	Урлаг соёлын арга хэмжээ, Дуу хөгжим сонсгож алжаал тайлах, өөрсдөө дуулж хөгжимдөх
	Бие эрхтэний хөшүүн байдлыг арилгах, дасгал хөдөлгөөн бясалгал хийх
	Мэдээллээр хангах өдөр тутмын сонин сэтгүүл, радио телевиз үзүүлэх
	Нийгмийн халамжийн тухай хуульд заасан зорилтот бүлгийн иргэнтэй хамтран сургалт арга хэмжээ зохион байгуулах, Нийгмийн халамжийн хууль тогтоомжийг таниулах самбар ажиллуулах зөвлөгөө өгөх

ГЭРИЙН АСРАМЖ ХАЛАМЖИЙН ҮЙЛЧИЛГЭЭ:

Гэрийн асрамж халамжийн үйлчилгээнд Нийгмийн хамгаалал, хөдөлмөрийн сайдын 2012 оны 07 дугаар сарын 18-ны өдрийн А/91 тоот тушаалын хоёр дугаар хавсралтанд заасан байнгын асаргаа шаардлагатай 2 төрлийн зорилтот бүлгийн иргэн болон хүнд нөхцөлд байгаа хүүхэд хамрагдана.

Гэрийн асрамж, халамжийн үйлчилгээг иргэнд ажлын 10 хүртэлх хоногийн хугацаанд үзүүлэнэ.

ГЭР ОРОНГҮЙ ИРГЭН, ТҮҮНИЙ ГЭР БҮЛИЙН ГИШҮҮДИЙН АМЬДРАХ ИТГЭЛИЙГ НЭМЭГДҮҮЛЭХ, НИЙГЭМШҮҮЛЭХ, БИЧИГ БАРИМТЖУУЛАХ, ТҮР ХОНОГЛОХ БАЙРАНД БАЙРШУУЛАХ:

Үйлчилгээнд хамрагдаж буй иргэнд зориулсан сургалт зохион байгуулах, зөвлөгөө мэдээлэл өгөх, гэр оронтой болоход нь туслах /Нийгмийн халамжийн тухай хуулийн 13.5.4-т заасан өрх, иргэнд/, бичиг баримтжуулах-шилжих хөдөлөгөөн бүртгэх, үнэмлэх олгох, дахин олгох 25, 45 натсай ригэнд соль олгох, түр хоноглох байранд байршуулах, халуун хоол ундаар үйлчлэх үйлчилгээнүүдийг хэрэгцээ шаардлагад нь тулгуурлан үзүүлэнэ.