Зорилго:

Залуучуудад хөдөлмөр эрхлэлтийн үйлчилгээ үзүүлэх болон аж ахуй эрхлэх өөрөө өөртөө ажлын байр бий болгох,бүтээлч, шинэлэг санал, санаачлагыг дэмжихэд хөтөлбөрийн зорилго оршино.

Хамрах хүрээ:

Залуучуудын хөдөлмөр эрхлэлтийг дэмжих хөтөлбөрт дараах иргэн, аж ахуйн нэгж, байгууллага хамрагдана:

Залуучуудын хөгжлийг дэмжих тухай хуулийн 3 дугаар зүйлд заасан Монгол улсын иргэн;
15-34 насны ажилгүй, ажил хийхэд бэлэн, ажил идэвхитэй хайж байгаа залуучууд;
Мэргэжлийн боловсрол, сургалтын байгууллагын суралцагчид, их, дээд сургууль, мэргэжлийн боловсрол, сургалтын байгууллага төгсөөд 3 хүртэл жил болж байгаа, эзэмшсэн мэргэжлээрээ ажилласан туршлагагүй ажил хайж буй залуучууд;
Залуучуудыг хөдөлмөрт бэлтгэх “Оролцоо” төслийн төгсөгчид;
Их,дээд сургууль болон мэргэжлийн боловсрол, сургалтын байгууллага;
Аж ахуйн нэгж, байгууллага.

Арга хэмжээ:

Ажил хайгч залуучуудад ажлын дадал, туршлага эзэмшүүлэх үйлчилгээ үзүүлэх;

/Залуучуудын хөдөлмөр эрхлэлтийн төвөөр дамжуулан ажлын дадал туршлага эзэмшүүлэх үйл ажиллагаанд хамруулна.

Мэргэжлийн боловсрол, сургалтын байгууллагын суралцагчдыг ажил олгогчид дагалдуулан сургах;

/Мэргэжлийн боловсрол, сургалтын байгууллагын суралцагчдыг суралцаж байх хугацаанд нь ажлын дадлага, ур чадвар эзэмшүүлж,сургуулиа төгсөөд хөдөлмөрийн зах зээлд шилжихэд нь дэмжих зорилгоор ажлын байранд дагалднаар сургах/

Шилдэг “Старт-Ап” залуучуудад санхүүгийн дэмжлэг олгох/

Шинэ технологи, инноваци бүхий шинэлэг санал, санаачлага гаргаж, аж ахуй эрхлэх төсөл боловсруулсан шилдэг Старт-Ап залуу,залуучуудын багт эргэн төлөгдөх нөхцөлгүй 10,000,000 төгрөгийн санхүүгийн дэмжлэгийг 1 удаа олгоно.

Старт-Ап залуучуудад гарааны бизнесийн дэмжлэг үзүүлэх/сургалт, зөвлөгөө, ментор/ 8,000,000 төгрөгийг 1 удаа олгоно.

Оюутан, залуучуудыг цагийн ажилд зуучлах;

Залуучуудын хөдөлмөр эрхлэлтийн үйлчилгээний загвар төвд сургалт зохион байгуулах/

Дараах сургалт зөвлөгөө үйлчилгээг мэргэжлийн талуудтхй хамтран зохион байгуулна:

Гарааны бизнес эрхлэх зөвлөгөө үйлчилгээ
Бизнес сэтгэлгээ буюу энтерпренершил
Үйл ажиллагаа явуулж буй залуучуудын жижиг,дунд үйлчилгээнд арга зүй, зөвлөгөө мэдээллийн чиглэлээр дэмжлэг үзүүлэх.